លោក ហ៊ុន ម៉ានី៖ កងទ័ព គឺជារនាំងដ៏រឹងមាំ ជាខឿនដែលមិនអាចខ្វះបាន នៃការថែរក្សាសុខសន្តិភាព
បន្ទាយមានជ័យ៖ សមាជិកសភាវ័យក្មេងលោក ហ៊ុន ម៉ានី តំណាងសម្តេចតេជោ ហ៊ុន សែន បាននាំយកអាវរងា ប្រគល់ជូនដល់កងកម្លាំងប្រដាប់អាវុធគ្រប់ប្រភេទ នៅទិសយោធភូមិភាគទី៥ គោលដៅទី១ ខេត្តបន្ទាយមានជ័យ ដែលកំពុងឈរជើងតាមព្រំដែននៅទីបញ្ជាការកងពលតូចថ្មេីរជេីងលេខ៥១ ស្ថិតនៅឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ។
នាឱកាសនោះលោក ហ៊ុន ម៉ានី បានលេីកឡេីងថា "កងទ័ព គឺជារនាំងដ៏រឹងមាំ នៃការការពារមាតុភូមិ ជាខឿនដែលមិនអាចខ្វះបាន នៃការថែរក្សាសុខសន្តិភាព" កងទ័ពបានលះបង់គ្រប់បែបយ៉ាងដេីម្បីបុព្វហេតុប្រទេសជាតិមាតុភូមិ បេីទោះបីកម្ពុជាទទួលបាននូវសុខសន្តិភាពពេញលេញយ៉ាងក៏ដោយ កងទ័ពនៅតែជាកម្លាំងដែលមានអាចខ្វះបាន។
ជាមួយគ្នានោះលោក ក៏បានថ្លែងនូវការកោតសរសើរចំពោះកងកម្លាំងប្រដាប់អាវុធគ្រប់មុខសញ្ញា ដែលបានលះបង់កម្លាំងកាយចិត្ត បំពេញភារកិច្ចប្រកបដោយភាពអង់អាចក្លាហាន គ្រប់កាលៈទេសៈ ជាពិសេស ទោះក្នុងសុខសន្តិភាព កងកម្លាំងទាំងអស់តែងតែងបានចុះជួយសង្រ្កោះប្រជាពលរដ្ឋ ជួបគ្រោះមហន្តរាយធម្មជាតិផ្សេងៗ ជាក់ស្តែកក្នុងគ្រាដែលខេត្តបន្ទាយមានជ័យកំពុងជួយគ្រោះទឹកជំនន់។ ក្នុងនោះនៅដំណាក់នៃការរីករាលដាលជំងឺកូវីដ-១៩ កងកម្លាំងប្រដាប់អាវុធបានក្លាយជាកម្លាំងស្នូលមួយយ៉ាងសំខាន់ក្នុងការប្រយុទ្ធប្រឆាំងបានយ៉ាងជោគជ័យ ទៅនឹងការឆ្លងរាលដាលនៃជំងឺកូវីដ-១៩ ដែលស្តែងចេញពីការគោរព និងទទួលបញ្ជាយ៉ាងដាច់ណាត់របស់ប្រមុខរាជរដ្ឋាភិបាលក្នុងការគ្រប់គ្រងសភាពការណ៍៕
ព័ត៌មានជាច្រើនទៀតសម្រាប់អ្នក
